Dienstag, 16. Februar 2010

Erbach Helau


Ärbacher Fassnachtslied
(geschrieben von Johann Mohr,Erbach,Heimatdichter 1891-1948)
Melodie: Eine Seefahrt die ist lustig.....

Wann `es alde Johr als rum is, kimmt die Fassnacht voll Humor,
un mit Borzelbeem un Saldo schterze mer ins neie Johr...hollahihollaho...

Uns is Witz un Schpott un Frohsinn un Humor schun oogeborn,
Alle Mucker und Filister hewe nix bei uns valorn...hollahihollaho...

Unser Fassnacht, die is luschdig, un es drickt e`manchi Fraa
in der zeit emol e´Aag zu, wann`s bressiert a alle zwaa...hollahihollaho...

Dann die alde Narreschoude dabbe rum grad wie im Dream
Un sie kumme korz vor Fastnacht nachts vor halver Drei nit hamm...hollahihollaho...

Selde dut emol e´Fraache sich dodriwwer aldariern,
Dann forscht jedi will sich haamlich uff de Maskeball maskiern...hollahihollaho...

In dem schaine Heimatschtädtsche is die Fassnacht uff de Häih,
All die viele Leit, wo kumme, sage immer: "Eß war schai!"...hollahihhollaho...

Daß die närrisch Zeit sou korz is, is doch wääklich Sin`n un Schad`
Deß bedauerd a`gewaltig unser ganzer Elferrad...hollahihollaho...

Erscht, wann kimmt de Aschermittwuch, is`s wäaklich nimmäih schai,
Dann hot aaner Rheumatismus un de anner Maagewäih...hollahihollaho...

Dann kimmt Kappe, Weste, Schwenker vun dem ganze Elferrad,
ins Kumod-un Moddepulver werd dezwische noigeschtraad...hollahihollaho...

Daß, wann´s anner Johr dann widder unser schäini Fastnacht is,
daß nit Frack un weißi Weste is voll Fläih-un Muckesch..! hollahihollado...